miércoles, 2 de junio de 2010

TALDEKO HAUSNARKETA

Bukatzeko, esan berriz esan... ez dadila galdu... Mikel Laboaren abestiak dionez...

Aitortu, Haur Hezkuntzari Aplikaturiko Teknologia Berriak ikasgai honetan, anitzak izan direla ikasi ditugunak. Gaitasun eta gaiaren inguruko hausnarketa sakona egin dugun aldetik.

Talde bezala, Haur Hezkuntzan Teknologia Berriak: Bai/Ez? galderari erantzunez, esan beharra dugu, irakasle moduan, hainbat erregistro izan behar ditugula eta egoera eta pertsona ezberdinetara modu egokian moldatzeko gai izan behar dugula. Beraz, hori kontutan hartuta eta teknologia berriez inguratuta gaudela ikusita hauek ezagutzea eta erabiltzea zilegia deritzogu. Hala ere, hezkuntzako etapa honetan, mundu fisikoak eta elkarren arteko harremanek eta bizipenek lehentasuna izan behar dutela jakinik, teknologiak behar direnean bakarrik erabil ditzagun.

Honekin ikasgaia ixten dugu eta gero arte!

domingo, 30 de mayo de 2010

EGUNEROKOA

AURKEZPENA: (2010/3/23)
Kaixo! Gu Larriburubelarri taldearen kideak: Olaia Juni, Jon Urruzola, Nekane Tejedor eta Iñigo Larrañaga gara.

Gure banakako e-paperzorroen loturak hauek dira:
Jon Urruzola
Olaia Juni
Iñigo Larrañaga
Nekane Tejedor

IKTko ikasgaiaren jarraipena egingo dut blog honen egunerokoaren bitartez. Irakurtzera animatzen zaituztegu! Animo! Azken txanpa da eta!

1. Astea (2010/3/24)

kaixo,
Gaur asteazkena, bi taldeak batera gaude.Aurkezpeneko birpasoa egin dugu, dena den, lanean hasi gara: Blogean gure elkarrikertuzeko orrialdeen helbideak jarriz, e.a...Pixkat galduta gaude egin beharreko lanekin. Baina, bihar azken eguna dugu oporraldia etorri baino lehen!

2. Astea (2010/4/14-15)

Kaixo denoi!
Aste santua pasa da, eta pixkanaka bizitza "normalera" bueltatzen hasiak gara, geuk ere errutinen beharra baitugu!! Ikasgaiari dagokionez, lehenengo astean, nahiz eta planteamenduaren ideia orokorra ulertu, zalantza pila bat geneuzkan egin beharreko lanen eta hauen prozesuen inguruan.
Egia esan, nahiko galduak sentitu ginen, baina gaurko saioaren ostean eta Joxemiren azalpenak medio, egin beharreko bidea zehazten hasi gara. IKT-ren inguruan bakoitzak Practicumean izandako esperientzia amankomunean jarriko dugu, eta hortik aurrera irakasleak emandako koadroaren eta google doc-en laguntzaz, aurkezpenaren nondik-norakoak finkatzen joango gara. Ea nola irteten den...aio!

3. Astea (2010/4/20-21)

Kaixo!
Astearteko saio honetarako taula osaturik ekarri dugu. Honela, klaseko lehenengo ordua taldekideek izandako esperientziak irakurtzea eta aztertzea dedikatu dugu. Orokorrean, egia esan, ez da ezberdintasun handirik somatzen, Haur Hezkuntzan teknologia berrien baliabideak eta hauek aplikatzeko erak antzekoak baitira.
Hala eta guztiz ere, konparaketa lanetan aritu gara eta hainbat ondorioetara iritsi gara. Dena den, tartean eztabaida sortu da, eta oso aberasgarria izan da bertan eman den ideien elkartrukea. Joxemirekin batera jorratu ditugun gaiak, orokorrean, hauexek izan dira: gaur egun Haur Hezkuntzan teknologia berrien papera nahikoa da/edo ez, zeintzuk dira prioritateak Haur Hezkuntzan, gizartea eta eskolaren arteko loturak/harremanak, teknologia berriak eta identitatea...
Azken finean, IKT-en atzean dauden balore, interes, helburu, abantail/desabantailetaz hitz egin dugu. Solasaldia benetan interesgarria iruditu zait.
Gaurko egunean sekulako ezustea. Gelara iritsi eta sarea erori dela... Ezin izan dugu bildu (je,je) eta kafe bat hartzera joan gara. Hori bai kafea hartu dugun bitartean, gure hausnarketarekin jarraitu dugu. Beraz lan pixka bat ere egin dugu.
Ikusten, internet ez dabil eta klasea izorratzen da. Berreskuratu behar dugu orria eta boligrafoa? Beste egun baterako eztabaida. Aio!!

4. Astea (2010/4/27-28)

Aupa!
Gaurkoan , ostiralean egin genuen lana slidesharera igo eta embeda erabiliz blogean: bideoak, pptak, pdfak, e.a... txertatzen ikasi dugu! hau duk hau marka!
Gainera, bihar, aurkezpeneko ppta egin dugu, igo dugu ere. Ea bihar gogoratzen garen nola egiten den eta ea sarea ez den erortzen! jejejej ala bai!!!!

5. Astea (2010/5/4-5-6)

Gaur laugarren taldekidea Saharatik bueltan iritsi zaigu, ongi etorri Iñigo!! Han izandako esperientzia kontatu digu (biharko aurkezpenean ere azalduko digu), eta gure aldetik, ikasgaiaren dinamika eta ideia nagusiak jakinarazi dizkiogu.
Bestalde, biharko aurkezpena dela eta, power point-a zehaztu eta txukundu ondoren, gelari azaldu beharrekoa adostu dugu.
Aurkezpena egin dugu. Nire ustez, ondo atera da, nahiz eta ez genuen lortu buruak ordenagailuetatik separatzea... ez dakit leku egokiena den aurkezpenak egiteko.
Atzo taldeko aurkezpena egin genuen. Denboraz nahiko larri gebiltzanez eta gauza asko beste aurkezpenetan komentatuak zeudenez, gurea luzeegia ez izaten saiatu ginen. Batez ere garrantzia eman genion egindako hausnarketari. Haur Hezkuntzan lantzen den teknologia berrien erabilera nahikoa al da? . Honen erantzuna egindako txostenean.
Gaurkoan gaiaren aukeraketa egingo dugu . Badugu zerbait buruan , beraz gaur hartuko dugu erabakia.

6. Astea (2010/5/11-12)

Kaixo irakurle,
Beno, geroz eta gutxiago falta zaigu klaseak bukatu eta karrera amaitzeko... eskerrak eguraldiak lurrari lotuta mantentzen gaituela! pixkat bada ere!
Asteazkenean, guretzat asteko lehenengo IKT saioa, Ikastolen elkartetik IKASYS sistema edo proiektua aurkeztu ziguten. Interesgarria suertatu zitzaidan. Dena den... emaitzak hobetzen badira sistema honekin, haurrak autonomoki ikasten dute... "aprende tu solo" leloko liburuak datozkit burura...
Haur Hezkuntzari dagokionez, IKTeen aldetik ez da bustidura hori bilatzen. Ulertzen da, Haur Hezkuntzako haurrak, txikiak direla eta beste garapen faseetan daudenez beste behar batzuk dituztela. Beno, irakurle, gehiago jakin nahi baduzu, zoaz gure blogera, gaur IKASYSi buruzko laburpena idatzi baitugu.
Bestalde, gure gaian murgilduta gaude: IPUIN MULTIMEDIAK. Hortan gaude, ipuin ezberdinak ikusten, irizpide batzuk sortzen eta lanari forma ematen. Azkar ibili beharra dugu, beraz... dida!

7. Astea (2010/5/18-19-20)

Aupa!
Aste honetan, hainbat gauza burutu ditugu: lehenik, artikulua osotu dugu eta Joxemiri bidali diogu. Ondoren, gaiaren garapenerako hainbat lekutara jo dugu ipuin-multimedien bila. Gainera, Amara Berriko Armando eta Antton etorri dira hitzaldi bat ematera. Eta azkenik, artikuluarekin gora eta behera ibili gara. Aupa ekipo! lortuko dugu eta!

8. Astea (2010/5/25-26-27)

Kaixo!
Hau duk hau astea! Gure gaiaren inguruan bueltaka eta bueltaka ibili gara, baina azkenean lortu dugu. Baditugu Ipuin-multimedia anitzak katalogatuta, ipuinen kalitatea neurtzeko irizpideak finkatuta eta baita hauek dakarten efektuak aztertuta. Gainera, gure ipuin multimedia propioa dugu! SEMAFORO ALAIA.
Oso pozik gaude.
Orain, azken ukituak falta zaizkigu besterik...
Izan huntsa!

sábado, 29 de mayo de 2010

SARRERA




Kaixo denoi!!
Larriburubelarri taldea Olaia Juni, Iñigo Larrañaga, Nekane Tejedor eta Ion Urruzola-k osatzen dugu. Haur Hezkuntzako 3. mailan gaude, eta aurreko urtean irekitako blogaren jarraipen bat egiten ari gara.
Hezkuntzari Aplikaturiko Teknologia Berriak ikasgaia burutzen ari gara, eta aurkibidean ikus daitekenez, gai honen inguruan zenbait lan aurrera atera ditugu.

PAPER ZORROAREN AURKIBIDEA

1.- SARRERA

2.- IKASGAIAREN LEHENENGO LANA

2.1.- IKT-EN PRAKTIKETAKO ERABILPENAREN TAULA H.H.N

2.2.- II PRAKTIKETAKO IKTEN HAUSNARKETA H.H.N

2.3.- AURKEZPENA POWER POINT

2.4.- PRAKTIKALDIKO TEKONOLOGIA BERRIAK II (SAHARA)

3.- HITZALDIAK

3.1.- IKASYS PROIEKTUA

3.2.- AMARA BERRIKO HEDABIDEAK

4.- IPUIN MULTIMEDIAK

4.1.- EGUNKARIKO ipuin multimedien ARTIKULUA

4.2.- IPUIN MULTIMEDIEN LANA

4.3.- SEMAFORO ALAIA (Guk sortutako ipuina)

5.- EGUNEROKOA

6.- TALDEKO BIDEOA

7.- IKASGAIAREN MAPA KONTZEPTUALA

8.- EGUNKARI PUBLIKATUA

9.- TALDEKO HAUSNARKETA

jueves, 27 de mayo de 2010

SEMAFORO ALAIA

GUK SORTUTAKO IPUIN MULTIMEDIA

jueves, 20 de mayo de 2010

AMARA BERRIKO HEDABIDEAK

Amara Berrikoak etorri dira eskolara. Beraien eskolan, hedabideak nola erabiltzen diren aurkeztera etorri dira. Hitzaldia oso interesgarria izan da. Eskola honen helburuetako bat egiten duten guztia zerbaitetarako balio izatea da, beraz gelan egiten diren aktibitateak, edozein arlokoak, zertarako bat dute.
Bertan dituzten hedabideak: telebista, irratia, egunkaria eta txikiweba dira. Haurrek hedabide hauen funtzionamendua ikasten dituzte era praktiko batean. Hauek guztiak errealak dira;bertan agertzen diren albiste guztiak haurrek egiten dituzte.

Irratia auzoan entzuten da. Telebista eskolako zirkuitu itxi batean . Egunkaria egunero ateratzen dute eta hauen fotokopiak banatzen dituzte ikasleen artean. Txikiwebean, txikien lanak jartzen dituzte, ipuinak, txisteak, ... Hau da, eskolako edozein haurren lanak aurkitu daitezke bertan. Gelan egiten duten lana(ahokorapiloak, asmakizunak ...)egunkarian agertzen da. Edota gela bertatik, gmail bidez beraien lana bidaltzen dute erredakziora. Honela posta elektronikoaren erabilera ikasten dute era praktiko batean. baita Eskolatik ateratzean, hedabide guzti hauen inguruan informazio egoki bat dutela esan daiteke.
Kontutan hartu behar da Amara Berrik bere metodologia IKTetara moldatu duela. Hain zuzen, duela urte gutxi batzuk era analogikoan burutzen baitziren lan guztiak. Metodologia mantendu dute, baina berrikuntza teknologikoak etorri ahala, eskola hauetara moldatzen joan da.
Informazio gehiago nahi izanezkero web orrialde honetara jo dezakezue.
http://amaraberri.org/ab/index

jueves, 13 de mayo de 2010

Ikasys proiektua

Atzo Maiatzak 11 IKASYS proiektua aurkeztu ziguten ikastola elkartetik etorritako lagunek.
Proiektu honek urte batzuk daramatza martxan eta guretzat oso baliagarria da teknologia berrien beste aplikazio bat ezagutzea. Hasieran,ikastola batean, proiektu piloto bat egin zuten , eta honek izan zuen arrakasta ikusirik, beste eskoletan ezarri dute. Beraiek komentatu ziguten bezala, bertan parte hartu zuten haurrengan, hobekuntza txiki bat agertu zen.
Honen aplikazioa eduki kurrikularrari begira, Lehen Hezkuntzan orduterdikoa da eta DBHn ordubetekoa, ikasgai desberdinak tartekatuz, ingelesa, matematika...; Beraz ikusten da osagarri bezala erabiltzen dutela, ez dute metodo tradizionala orderkatzen.
Programa honen osagaiak:
Hardwareari dagokionez, mini ordenagailuak dira.
Softwareari dagokionez, hiru web aplikazio dira: Designer, trainer eta Inspector.
Softwarearen barnean, 13 ariketa mota agertzen dira. Ariketa hauetan egiten den guztia erregistratua geratzen da eta ebaluaketarako balio du. Irakasleak nahi izanezkero, edozein momentutan ikus dezake haur bakoitzak duen garapena.
Proiektu hau hiru gaitasun nagusietan zentratzen da.
Komunikatzen jakitea; norbera izaten jakitea eta ikasten ikastea.
Haur Hezkuntzari begira aplikaziorik ez dagoela ikusi genuen. Alde batetik, ariketa hauek burutzeko, ondo irakurtzen jakin behar dute eta dakigunez, hau Lehen Hezkuntzako 2. mailan lortzen dute. Bestetik haurraren adinaren ondorioz, beste behar batzuk dituzte: sozializazioa, autonomia...
Esperientzia honen ondoren, IKTen inguruan hausnarketa sakonago bat egiteko aukera izan dugu.

viernes, 23 de abril de 2010

IKTeen PRAKTIKETAKO ERABILPENAREN TAULA H.H.n

Hau da egin dugun taula gure praktiketako esperientzia deskribatzen duena. Ondoren, 1200 hitzetako hausnarketa egingo dugu eta azkenik power pointa.

sábado, 30 de mayo de 2009

ALBISTEA

Magisteritzako ikasle talde batek musikaren eragina ikertu du gorputz eta arte plastikoan
Erredakzioa - publikatuta 2009/05/29


Deigarria da ikasle desberdinek musika desberdinetan espresatzeko era berdina azaltzeak. Musika berdinaren aurrean ikasle erdiak baino gehiagok berdin jokatu dute plastilina lantzean.

Magisteritza etxeko eta Munduko irakasle onenen artean kokatuko diren Larriburubelarri eta Plastilina ikerlari-taldeek, Musika espresatzeko erak izeneko ikerketa burutu dute.
Lanaren helburu nagusiak bi izan dira: batetik, musikak zein eragin sortzen duen pertsona desberdinenganarakatzea; bestetik, jarrera horiek nola espresatzen dituzten antzematea.

Ikerketaren ezaugarriak

Datuak biltzeko metodo grafikoa erabili da, bideograbaketak eta argazkiak.
Ikerketak bi fasetan burutu dute. Hasteko, mota eta estilo desberdinetako abestiak entzun dituzten bitartean ikasleek musikaren erritmoa jarraitu dute eta libreki mugitu dira begiak estalita zutela.
Bigarren fasean eta abesti berdinak entzun duten bitartean, begiak estalita jarraitu dute. Oraingoan, espresatzeko era, plastilina zati bati forma ematea izan da.

Ikerketan ateratako ondorioetako batzuk

- Ikerketako partaideen erdiak baino gehiagok, mugimendu mekanikoak erakutsi dituzte lehenengo abestiarekin.
- Bigarren abestiarekin “txurro bat egin dute ikasleen % 100ak.
- Hirugarren abestiarekin %75ak pelota bat egin dute plastilinarekin.
- Laugarren abestian %75ak plastilina zati txikitan banatu du.

Deigarria da musika berdinaren aurrean eta gainontzeko partaideak ikusi gabe, partaideen gehiengoak (ikerketa kuantitatiboko %75ak) espresatzeko era berdina azaltzea.

martes, 12 de mayo de 2009





Bila eta bila ibili ondoren, haur batek egindako marrazki hauek aurkitu ditugu. Marrazki hauetan, haurrak duen garapena ikusten da fase ezberdinak gaindituz. Esan beharra dago marrazki guztiak haur berdinarenak direla; modu honetan, errazago interpretatu daiteke haur
batek izaten duen eboluzioa.


Saiatu gara marrazki gehiago igotzen baina ezinezkoa egin zaigu. Sarearekin arazoak izan ditugu ; denbora guztian blokeatu egin zaigu.

viernes, 8 de mayo de 2009


Ondoko argazkietan oinarritu gara gure logotipoa diseinatzeko orduan.Fakultateko sarrera hartu dugu eredutzat. Kanpoko azala kontutan hartuz, M itxura duela ikusita oso aukera ona iruditu zaigu Magis TB rekin lotura egiteko.

Tonu informala emateko, eraikinak duen marra txuria okertzea erabaki dugu. Era berean, alboetan marra difuminatuagoa agertzen da. Hau da, irekiagoa.
Eraikinak dituen adreiluen adierazgarri, egurrezko makiltxoak moztu eta laranjaz margotu ditugu. Logotipoaren barneko gorputzean pegatu ditugu, unibertsitate honetako ezaugarririk nagusienetakoa baita.
Aurrera dihoan telebista irudikatzeko, "play" sinboloa erabiltzea erabaki dugu.

























viernes, 3 de abril de 2009

MUSEOEN WEB ORRIALDEAK

Museo ezberdinen web orrialdeak ikusi eta gero, ia automatikoki eta nahigabe gure autobiografietara jo dugu, eta konparatzen hasi gara gure garaian egiten genuena gaur egungo egoerarekin, eta sekulako aldea dago! Gure garaian gutxitan bisitatzen genituen museoak, eta bisitaldiren bat antolatzen zenean, irteera bat bezala ikusten genuen, agian modu honetan planteatzen zitzaigulako. Ikuysle eta entzule hutsak ginen, eta gure parte hartzea oso mugatua zen.

Orain, ordea, beste era batera lantzen dira gaiak edo erakusketak, prozesu baten barnean kokatzen baitira; gelan sarrera bat egiten da abiapuntu bezala, bisitaldia burutzen da, eta bueltan ariketak/hausnarketak proposatzen dira. Hau da, ez da soilik museora joan eta kitto, baizik eta "continuum" bat da; gaia aurkezten da, garatzen da, eta ondorioztatzen da. Eta guzti hau gainera, haurraren adina eta ezagutza kontuan izanik, eta bere protagonismoa eta hitza modu eraginkorrean areagotuz.
Museoen dinamika haurren mundura egokitzen da, eta hori aurrerapausu bat iruditzen zaigu.

Museo bakoitzaren pedagogia edo... aztertuz gero, gure ingurukoek (Guggenheim, Artium) bultzatzen dutena oso aproposa dela deritzogu.

Guggenheim-ek haur hezkuntzako haurrekin lan egiteko aukera ematen du. Monitore baten laguntzarekin, eta hainbat jardueren bidez (ipuinak irakurriz, arte-jarduerak burutuz, jolastuz...), Museoan erakusten diren artelanak aztertzen dituzte.

Artium-ek ere, haur eta lehen hezkuntzarako proposatzen dituen ideiak oso interesgarriak iruditu zaizkigu. Lehen aipatu dugun "continuum" hori lantzen du elkarrizketan eta partaidetzan oinarriturik. Eskolak, gainera, gaia aukeratzeko posibilitatea du, eta ideia honek museoaren erabilgarritasuna handitu dezake, artea eskolara hurbilduz. Dena dela, arazo bat dago: museoak Arabako eskolekin bakarrik lan egiten du.


Bestalde, MUPAI-k atentzioa deitu digu. Zehazki haurrei zuzendutako errekurtso pedagogiko bezala aurkezten da, eta bere helburua haurrak artearen munduarekiko interesa areagotzea da. Honetarako, tailerrak eta erakusketak egiten dituzte, baina beti haurraren sormenari begira.

Proiektu integral honetan haurra protagonista da, eta horrek asko esan nahi du. Jarduerez aparte, adierazpen plastikaren inguruko ikerketak ere badu bere espazioa, eta esperientzia ezberdinen trukaketa ere posible da (bialdu daitezke eta besteenak ikusi...)..

Modu honetan, irakasle izango garenez, oso baliagarriak izan daitezke honelako iniziatibak eta tresnak, bai ideiak hartzeko, bai gai ezberdinak ikertu ahal izateko, bai mota askotako harremanak sendotzeko eta abar. Zentzu honetan, IREF taldeak eskaintzen duena ere (irakaslearen formakuntza indartzeko kurtsoak, neurriak...) etorkizunean lagungarria izan daiteke guiretzat.

Hala eta guztiz ere, klasean ikusi berri dugun DAP programak argi adierazi digu, baliabide sinpleekin -koadro bat aukeratu eta taldea ongi dinamizatuz- gauza garrantzitsu eta asko landu daitezkela: hitz egin, entzun, pentsatu, eztabaidatu, elkartrukatu, diskurtsoak eraiki, irudimena landu...

Dena dela, proiuektu edo programa guzti hauek osagarriak dira. Eskura ditugu, orokorrean kalitatezkoak dira, eta "pista" asko eman diezazkigukete; hau da, guretzat, funtsezkoena.

martes, 17 de marzo de 2009

KOLDO MITXELENAN IKUSITAKOARI BURUZKO IRITZIA

Hasieran eman ziguten informazioa ( Web orrialdeak ,kultur guneari buruzko azalpenak...) oso interesgarria iruditu zitzaigun, are gehiago haur hezkuntzako irakasle izango garenez , etorkizunean oso erabilgarria suertatuko baitzaigu. Lana asko erraztuko digu, proiektuak eta jarduerak eginda daudelako eta begirada bat ematearekin , aukera asko eta ezberdin izango ditugulako eskura.

Erakusketari dagokionez, gure kabuz ibili ginenean ez genuen gehiegirik ulertu, ez bait ginen ohartzen egilearen helburua zein zen; ez genuen ezta interpretazio pertsonalik egiten ere, beno bai, nahiko arraroa iruditzen zitzaigun dena. Nereak azalpena eman ondoren, ordea, geure ikuspuntua aldatzen joan zen, eta erakusketa pixkanaka digeritzen joan ginen. Eta obra berriro ikustean, beste era batera ulertu genuen. Argazkiek zuten sakontasuna hauteman genuen, ikusten ez den espazioaz ere ohartu ginen... Eta pausoz-pauso erakusketaren zentzu edo esanahia barneratzen joan ginen.

Amaitzeko esan gauza batek harritu gintuela, 11 urte tik beherako haurrak ezin direla kultur gunean sartu. Nahiz eta hau araututa egongo den, gustatuko litzaiguke noizbehinka haur hauentzako jarduerak prestatuko balira. Guk gurea defendatzen dugu, gure helburua haur hezkuntza da, beraz espazio hauek denekin konpartitzea ondo legoke.

Mila esker izan dugun aukeragatik.